Hüt han i ä mol Luscht uf schwiizerdütsch schriebe, i hoff ihr chönnets lese und wenn nit, dir heit jo mini email-adresse für allfälligi Froge ;-)!
Also, es isch ä erfolgrichi Wuche worde, obwohl i mi Usflug zu minere Schwester , dr Pernilla und ihre 2 Schnuggibölle nach dr Hochziit in Schwede ha müessä verschiebe, :-(! I hoff i cha das no nochhole das Joor. Jo i weiss dir heits Gfühl die söt doch Ziit ha, aber ich säg euch, ich (bzw. au dr Fab) hän recht viel vor! Do heissts richtig plane, guet organisiere und vorallem viel Geduld... ;-)! Do brucht eifach alles ä chli länger, es chunnt immer guet!
Zrugg zu dr erfolgriche Wuche:
1. Usflug nach Kalmar in Schwede
2. Ich ha d'Ufenthalsbewilligung becho, jetzt bin ich offiziell willkomme gheisse worde vo dä Behörde.
3. Wie scho imene Itrag vorher (i weiss es het es paar englischi Itrag drzwische.., sorry bi nit so fliessig gsi mit schriebe, ha mir ä mol ä chli Ziit gno für zum lese und mini Bei z'brüne, ;-)! anstatt Blog zschriebe) hän mir ä Wohnig gfunde und au dr Vertrag unterschriebe. Mir freue uns beidi riesig uf dr Umzug, denn chönne mir uns au ä mol endlich definitiv irichte und installiere!
4. Mir hän wieder Sehenswürdigkeite beguetachtet, damit mir denn grüstet sind, wenn dr Bsuech chunnt!
5. Hän d'Möbelläde uskundschaftet, do mir doch no seint oders ander Zimmer dörfe irichte. Vorab mir hän doch 1 Schlofzimmer meh und no es Zimmer ä so zusätzlich als in unserer alte Wohnig.
6. Langsam aber sicher erledige sich au no die Verwaltigsaglegeheite in dr Schwiiz.
So das wär jetzt Zämefassig zur Wuche gsi. Zu Punkt 1 und 4 gits no witere Erlüterige, wenn ihr Ziit händ dr ganzi Bitrag z'lese.
Wie erwähnt sin mir letschts Wucheend nach Kalmar in Schwede greist. Mir sin ane Hochziit vomene Kollegepaar vom Fab iglade gsi. Vorab, die Hochziit het ä mega Kulisse gha und isch richtig Multikulti gsi. Die Reis isch ziemli lang gsi und het uns über Frankfurt, Kopehage nach Kalmar gführt. D'Strecki Kopehage nach Kalmar hän mir im Zug zrugg gleit.
Wies ä so üblich isch, isch bereits bi dr Areis euses Gepäck nit direkt uf Kopehage cho. Do mir mit Verspötig in Amman abgreist sin, hän mir nur 45 Min. gha für zum Umstieg. Wer dr Flughafe in Frankfurt kennt, weiss, dass das nit gnue Ziit isch, damit au no d'Köffer ins richtige Flugzüg chöme. Mir häns grad ä so gschafft. Das het denn gheisse, z'erscht ä mol dem Gepäck hindedri z'renne. Do sie uns nit hän chönne säge, öb's längt, s'Gepäck bis am Samschtig mittag nach Kalmar z'bringe (es hät vo Kalmar uf Stockholm muesse, denn vo Stockholm uf Kalmar, alles im Flugi) hän mir denn entschiede, dass eine vo uns halt in Kopehage blibt und ufs Gepäck wartet. Gemäss Uskunft häts sölle mit em nächste Flug cho. Nach lange Disskusione wer bliibt, bin ich denn zur buechte Ziit in Zug nach Kalmar gstiege. Somit hän mir nur 1 Billett für ä Zug verlore.
Zu dere Zugfahrt cha ich nur säge: WOOOOOOOOWWW! Grüen, Wasser, Grün, Wasser.....! Dir glaubet nit, wie mir das igfahre isch, scho nach emene Monat Amman! Wow, ha scho fascht vergesse, wie grüen d'Natur cha si. Dir werdet gseh, vo was i red, wenn ihr uns chömet cho bsueche! :-)!
Zum Glück isch denn mit em näxschte Flug au euses Gepäck in Kopenhage acho. Dr Fab hets chönne entgege neh und uf ä Zug nach Kalmar hetze. So het er "nur" 2.5 h meh müesse am Flughafe warte, :-(! Zobe sin mir denn no ä bitz in Kalmar umeglofe, isch wirkli z'empfehle, isch ganz ä herzigs Städtli und lit super am Meer. Mit em Wetter hän mirs au super breicht, obwohls in dr Nacht ziemli frisch isch worde. Jä ihr heit richtig glese, das säg ich, ;-)!
Denn am Samschtig isch dr grossi Tag gsi, d'Hochziit het in dr Kapelle vom Schloss in Kalmar stattgfunde. Nach dr Trauuig het denn s'Paar die offizielle Foteli gmacht und d'Gäscht hän denn ä Führig im Schloss becho. Die wo em Fab si Blog glese hän, wüsse dass er dört ä anderi Beschäftigung gfunde het und ich bi ganz brav s'Schloss go aluege und ha mit mine Schueh ä richtigs Wunder vollbrocht! Au! d'Brut hets besser gmacht, sie het flachi Schueh zu ihrem typische schwedische Brutchleid agleit....
Nach dr Führig hets denn im Schlossgarte ä Apero geh und denn sin au die Abtrünige wieder uftaucht. S'Esse het denn imene wunderschöne grosse Ruum innerhalb vom Schloss stattgfunde und um Mitternacht hän mir denn Lokalität im Schloss nach unte gwechslet und dört het uns ä Bar mit emene DJ erwartet! Jep dört isch denn tanze agseit gsi! :-)! N.C, S.B., S. J. ich weiss jetzt was dir denket..... aber i ha nur zu eim Lied tanzt und ha mi denn chönne an d'Bar verdrucke!
Ah das ha ni fascht vergesse: In Schwede isch es Tradition, wenn d'Brut dr Saal verloht, denn stöhn alli Männer uf und küsse dr Brütigam uf d'Backe! Umgekehrt natürli au! Zum Glück hän mir nur 1 Mol muesse ufstoh! :-)
Denn am 4i am morge isch den d'Bar gschlosse worde und es paar wenigi Gäscht mit em Brutpaar sin denn Richtig Strand glofe. Unterdesse ha ich mini Schueh abzoge und bi denn au barfuess an Strand glofe. Es isch richtig genial gsi, es het Nebelschwade zwischem höche Grass gha und mir sin au no übere Friedhof glofe. Am Strand acho, sind denn dr Brütigam und eine vo sine Fründe sogar ins Meer go bade, brrrrr cha ich do nume säge! Ich cha denn au no einigi Adenkä an dä Usflug mitgoh! Die wo scho im Norde gsi sin, wüsse wovo ich schrieb - öbe 10 Muggestich!!!!
Die Hochziit isch so richtig romantisch gsi, mit dr perfekte Kulisse. Mir hän ä richtig schöns Wucheend in Europa verbrocht und hän die 3 Täg richtig gnosse.
Denn am Sunntigobe ha ich denn scho wieder uf Stockholm müesse, will mi Flug vo Stockholm hei gange isch, will ich jo eigentlich erscht ä Wuche spöter hei wer, nachdem uf Aland gsi wär. Leider ha ich dr Abflugort nit chönne ändere, so ha ich denn dr Fab erscht wieder in Frankfurt troffe. Denn ändlich am Zischitgmorge, 04.00 Uhr sin mir denn im Bett gsi. Leider het churz vor 8 wieder dr Wecker glütte, will dr Fab het müessä go schaffe.
Dr rescht vo dere Wuche isch richtig schnell verbi gange und so chum i zu Punkt 4:
Mir sind um die 11 am morge losgfahre Richtig Ajloun. Ajloun het ä Schlossruine und di sch wirkli sehenswert. Details was es mit dere Ruine ufsicht het, chönne do nochglese werde:
http://de.visitjordan.com/visitjordan_germany/Default.aspx?tabid=169
Mir hän dört ä gueti Stund verbrocht und hän die wahnsinnigi Ussicht und die atemberaubende Rüem gnosse.
Denn sin mir wieder ins Auti gstiege und sin Richtig Al-Salt gfahre um denn wieder in Amman a z'cho. Unterdesse isch es au so richtig heiss worde, teilwies hets scho über 40 Grad azeigt. Die Fahrt isch wahnsinnig gsi, es het uns vo ä bitz grüen, zu recht grüen und denn wieder alles beige gführt. Es het immerwieder gwechselt und mir hän au es paar Dörfer durchquert. In eim Dorf het ä Hochziit stattfunde, ihr chönnet euch nit vorstelle, wie das usgseh het. Ich glaub die häns ganze Dorf iglade, :-)! Es het sogar ä Polizist brucht, um dr Verkehr z'regle und ich cha eus säge, die Stroos isch nit schmal gsi. Eifach halt es richtigs durenand! :-) Aber es het so usgseh, dass sie ä richtig guets Fescht gha händ.
Dr Rescht vo dr Fahrt hei mir eifach gnosse und sind denn ziemli müed in Amman acho.
So, das isch endlich wieder ä mol ä Blog uf Dütsch gsi, gäll E.F. ;-)!
Liebi Grüssli us Amman
Also, es isch ä erfolgrichi Wuche worde, obwohl i mi Usflug zu minere Schwester , dr Pernilla und ihre 2 Schnuggibölle nach dr Hochziit in Schwede ha müessä verschiebe, :-(! I hoff i cha das no nochhole das Joor. Jo i weiss dir heits Gfühl die söt doch Ziit ha, aber ich säg euch, ich (bzw. au dr Fab) hän recht viel vor! Do heissts richtig plane, guet organisiere und vorallem viel Geduld... ;-)! Do brucht eifach alles ä chli länger, es chunnt immer guet!
Zrugg zu dr erfolgriche Wuche:
1. Usflug nach Kalmar in Schwede
2. Ich ha d'Ufenthalsbewilligung becho, jetzt bin ich offiziell willkomme gheisse worde vo dä Behörde.
3. Wie scho imene Itrag vorher (i weiss es het es paar englischi Itrag drzwische.., sorry bi nit so fliessig gsi mit schriebe, ha mir ä mol ä chli Ziit gno für zum lese und mini Bei z'brüne, ;-)! anstatt Blog zschriebe) hän mir ä Wohnig gfunde und au dr Vertrag unterschriebe. Mir freue uns beidi riesig uf dr Umzug, denn chönne mir uns au ä mol endlich definitiv irichte und installiere!
4. Mir hän wieder Sehenswürdigkeite beguetachtet, damit mir denn grüstet sind, wenn dr Bsuech chunnt!
5. Hän d'Möbelläde uskundschaftet, do mir doch no seint oders ander Zimmer dörfe irichte. Vorab mir hän doch 1 Schlofzimmer meh und no es Zimmer ä so zusätzlich als in unserer alte Wohnig.
6. Langsam aber sicher erledige sich au no die Verwaltigsaglegeheite in dr Schwiiz.
So das wär jetzt Zämefassig zur Wuche gsi. Zu Punkt 1 und 4 gits no witere Erlüterige, wenn ihr Ziit händ dr ganzi Bitrag z'lese.
Wie erwähnt sin mir letschts Wucheend nach Kalmar in Schwede greist. Mir sin ane Hochziit vomene Kollegepaar vom Fab iglade gsi. Vorab, die Hochziit het ä mega Kulisse gha und isch richtig Multikulti gsi. Die Reis isch ziemli lang gsi und het uns über Frankfurt, Kopehage nach Kalmar gführt. D'Strecki Kopehage nach Kalmar hän mir im Zug zrugg gleit.
Wies ä so üblich isch, isch bereits bi dr Areis euses Gepäck nit direkt uf Kopehage cho. Do mir mit Verspötig in Amman abgreist sin, hän mir nur 45 Min. gha für zum Umstieg. Wer dr Flughafe in Frankfurt kennt, weiss, dass das nit gnue Ziit isch, damit au no d'Köffer ins richtige Flugzüg chöme. Mir häns grad ä so gschafft. Das het denn gheisse, z'erscht ä mol dem Gepäck hindedri z'renne. Do sie uns nit hän chönne säge, öb's längt, s'Gepäck bis am Samschtig mittag nach Kalmar z'bringe (es hät vo Kalmar uf Stockholm muesse, denn vo Stockholm uf Kalmar, alles im Flugi) hän mir denn entschiede, dass eine vo uns halt in Kopehage blibt und ufs Gepäck wartet. Gemäss Uskunft häts sölle mit em nächste Flug cho. Nach lange Disskusione wer bliibt, bin ich denn zur buechte Ziit in Zug nach Kalmar gstiege. Somit hän mir nur 1 Billett für ä Zug verlore.
Zu dere Zugfahrt cha ich nur säge: WOOOOOOOOWWW! Grüen, Wasser, Grün, Wasser.....! Dir glaubet nit, wie mir das igfahre isch, scho nach emene Monat Amman! Wow, ha scho fascht vergesse, wie grüen d'Natur cha si. Dir werdet gseh, vo was i red, wenn ihr uns chömet cho bsueche! :-)!
Zum Glück isch denn mit em näxschte Flug au euses Gepäck in Kopenhage acho. Dr Fab hets chönne entgege neh und uf ä Zug nach Kalmar hetze. So het er "nur" 2.5 h meh müesse am Flughafe warte, :-(! Zobe sin mir denn no ä bitz in Kalmar umeglofe, isch wirkli z'empfehle, isch ganz ä herzigs Städtli und lit super am Meer. Mit em Wetter hän mirs au super breicht, obwohls in dr Nacht ziemli frisch isch worde. Jä ihr heit richtig glese, das säg ich, ;-)!
Denn am Samschtig isch dr grossi Tag gsi, d'Hochziit het in dr Kapelle vom Schloss in Kalmar stattgfunde. Nach dr Trauuig het denn s'Paar die offizielle Foteli gmacht und d'Gäscht hän denn ä Führig im Schloss becho. Die wo em Fab si Blog glese hän, wüsse dass er dört ä anderi Beschäftigung gfunde het und ich bi ganz brav s'Schloss go aluege und ha mit mine Schueh ä richtigs Wunder vollbrocht! Au! d'Brut hets besser gmacht, sie het flachi Schueh zu ihrem typische schwedische Brutchleid agleit....
Nach dr Führig hets denn im Schlossgarte ä Apero geh und denn sin au die Abtrünige wieder uftaucht. S'Esse het denn imene wunderschöne grosse Ruum innerhalb vom Schloss stattgfunde und um Mitternacht hän mir denn Lokalität im Schloss nach unte gwechslet und dört het uns ä Bar mit emene DJ erwartet! Jep dört isch denn tanze agseit gsi! :-)! N.C, S.B., S. J. ich weiss jetzt was dir denket..... aber i ha nur zu eim Lied tanzt und ha mi denn chönne an d'Bar verdrucke!
Ah das ha ni fascht vergesse: In Schwede isch es Tradition, wenn d'Brut dr Saal verloht, denn stöhn alli Männer uf und küsse dr Brütigam uf d'Backe! Umgekehrt natürli au! Zum Glück hän mir nur 1 Mol muesse ufstoh! :-)
Denn am 4i am morge isch den d'Bar gschlosse worde und es paar wenigi Gäscht mit em Brutpaar sin denn Richtig Strand glofe. Unterdesse ha ich mini Schueh abzoge und bi denn au barfuess an Strand glofe. Es isch richtig genial gsi, es het Nebelschwade zwischem höche Grass gha und mir sin au no übere Friedhof glofe. Am Strand acho, sind denn dr Brütigam und eine vo sine Fründe sogar ins Meer go bade, brrrrr cha ich do nume säge! Ich cha denn au no einigi Adenkä an dä Usflug mitgoh! Die wo scho im Norde gsi sin, wüsse wovo ich schrieb - öbe 10 Muggestich!!!!
Die Hochziit isch so richtig romantisch gsi, mit dr perfekte Kulisse. Mir hän ä richtig schöns Wucheend in Europa verbrocht und hän die 3 Täg richtig gnosse.
Denn am Sunntigobe ha ich denn scho wieder uf Stockholm müesse, will mi Flug vo Stockholm hei gange isch, will ich jo eigentlich erscht ä Wuche spöter hei wer, nachdem uf Aland gsi wär. Leider ha ich dr Abflugort nit chönne ändere, so ha ich denn dr Fab erscht wieder in Frankfurt troffe. Denn ändlich am Zischitgmorge, 04.00 Uhr sin mir denn im Bett gsi. Leider het churz vor 8 wieder dr Wecker glütte, will dr Fab het müessä go schaffe.
Dr rescht vo dere Wuche isch richtig schnell verbi gange und so chum i zu Punkt 4:
Mir sind um die 11 am morge losgfahre Richtig Ajloun. Ajloun het ä Schlossruine und di sch wirkli sehenswert. Details was es mit dere Ruine ufsicht het, chönne do nochglese werde:
http://de.visitjordan.com/visitjordan_germany/Default.aspx?tabid=169
Mir hän dört ä gueti Stund verbrocht und hän die wahnsinnigi Ussicht und die atemberaubende Rüem gnosse.
Denn sin mir wieder ins Auti gstiege und sin Richtig Al-Salt gfahre um denn wieder in Amman a z'cho. Unterdesse isch es au so richtig heiss worde, teilwies hets scho über 40 Grad azeigt. Die Fahrt isch wahnsinnig gsi, es het uns vo ä bitz grüen, zu recht grüen und denn wieder alles beige gführt. Es het immerwieder gwechselt und mir hän au es paar Dörfer durchquert. In eim Dorf het ä Hochziit stattfunde, ihr chönnet euch nit vorstelle, wie das usgseh het. Ich glaub die häns ganze Dorf iglade, :-)! Es het sogar ä Polizist brucht, um dr Verkehr z'regle und ich cha eus säge, die Stroos isch nit schmal gsi. Eifach halt es richtigs durenand! :-) Aber es het so usgseh, dass sie ä richtig guets Fescht gha händ.
Dr Rescht vo dr Fahrt hei mir eifach gnosse und sind denn ziemli müed in Amman acho.
So, das isch endlich wieder ä mol ä Blog uf Dütsch gsi, gäll E.F. ;-)!
Liebi Grüssli us Amman
Keine Kommentare:
Kommentar veröffentlichen