Hoi zäme!
I weiss gar nit wo ich söll afoh! Es isch in de letschte Täg wieder so viel glofe.... also am Beschte ich fang mit dr Gschicht vo eusem Satelitte-TV ah!
In dr 1. Wuche do in dr neue Wohnig isch ä Kolleg vom Vermieter verbi cho und si hän mir gseit, dass mit em Satellit die Dütsche Sender z'erreiche sind. Ich ha dänkt super, das mache mir. Guet, het au alles tip top klappt, dä het 2 Satelitteempfänger brocht und sie au installiert. Im Schlofzimmer het er leider es churzes Kabel gha und hets quer dure Ruum gleit. I ha denn es langs verlangt damit mis an dr Wand noch cha zieh. Er het gantwortet: "Madame, no problem bukra!" Wie erwähnt das isch in dr 1. Wuche gsi, unterdesse sin es paar Wuche vergange und i ha dä Herr nüm gseh. I has au es paar Mol im Vermieter gseit, au do d'Antwort: "bukra, bukra"! Also, do ä mol die wortwörtlichi Übersetzig: bukra = morgen. Was mir unterdesse hoffe, wenns bukra heisst: "in de nexschte Täg"! Do jetzt die Übersetzig wo's wirkli heisst: "wenn du mir nit alütisch und stürmsch, chum i nüm!" Guet, i ha ihm vorgeschter denn aglüte und er het wieder gmeint: "Madame, bukra!" Mi Antwort isch denn gsi: "la la burka, lium habibi!" (nei nit morn, hüt mi Liebe!) Habibi (meine Liebe, mein Lieber) bruche sie do für jede und alles, sogar wenn sie sich denn nachher aschreie. Öb dirs glaubet oder nit er isch effektiv am Sunntig cho, het es längers Kabel verleit (aso, i wird denn s'Kabel no schön an dr Wand amache, damits nit so in Wellä do liet, aber wenigschtens stolpere ich z'Nacht nüm drüber, ;-)!). Denn ha ich ihn grad gfrogt, öb er im Wohnzimmer chönnti dr zweiti Empfänger installiere. Nach es paar Minute ha nis Gfühl gha er verstoht mi nit wirkli und ha im Fabrizio ins Gschäft aglüte, damit er öber cha ans Telefon hole wo Arabisch schwätzt (das möche mir immer so, wenn i nüm witer chum). Do sini Version: "Madame (das bin ich) will, dass er es 2. Kabel vo dr Satelitteschüssle usse an dr Fasade zum Stecker in dr Innenwand montiert." Mini Version: "Ich will nit, dass er vom Stecker bim Cheminée quer durch d'Wohnig zum Wohnzimmer ä Kabel verleit." Soviel zur Kommunikation zwische uns! :-)! Uf Arabisch het me veribart, dass es 2. Kabel unter de Platte zum Fernseh im Wohnzimmer verleit wird. Natürli nit lium (hüt) sondern bukra (morn). Er het no gseit, dass er mich am Morge alütet und mir seit wenn er chunnt. Am nexschte Tag am eis am Nommitag ha ich ihm denn aglüte und ha schinheilig gfrogt wenn er chunnt. Er chöme am zwei - tip top! Am zwei isch denn dr Vermieter mit em Elektriker cho (wo scho ä mol vergebens cho isch, will i nit dähei gsi bi, wohlverstande au diesmol ha ich nit gwüsst dass si chöme) und het all die Sache no gfixt wo offe gsi sin. Am 20zig ab 2 het dr Vermieter denn im Satelittetyp aglüte, will er z'spot sig (dr Vermieter het 30 Joor in Dütschland gwohnt), er müesse sich jo schäme! Genau in dem Moment hets au scho glütte an dr Tür. Somit het's afgange! I ha dr ganz Nommitag bis am halb 7ni do drmit verbrocht, z'warte dass sie das Kabel neu verlege! Nach öbe 2 Stund hän si mir gseit, dass es nit goht und irgendöbis no erklärt, i has nit verstande, also ha ich ihm Fabrizio aglüte. I ha denn zobe erfahre, dass sie ihne gseit hän, sie sölles loh si, mir löhns halt ä so! Was sich do vor Ort abgspielt het isch, dass sie plötzlich ganz gschäftig diskutiert händ, neui Steckdose ufgmacht hän und nach Vaseline gfrogt hän.... (i ha kei Vaseline gha, ha ihne aber denn halt Tigerbalsam geh). Denn isch es witer gange, wieder 5 Lüt in dr Wohnig, eine het öbis gmacht und alli hän ufen ihne gschwätz. Am 5i hän si denn die Lösig gha, sie muesse d'Klima an dr Wand abmontiere, dört chieme si use und chönne so s'Kabel zmitz an dr Wand abe zieh.... Ich ha denn ihne zeigt, wo ich das Kabel will, schön verleiht inere Kante und bitte jo in wiiss und nit in schwarz! Ä gueti Stund spöter isch au das nit gange und denn het Diskussion agfange! Ich ha denn gli ä mol gmerkt, dass sie d'Schuld uf öber anders schiebe und ha denn ziemli klar kommunziert, dass das nit so sigi und ihne gseit, dass es so nit goht. Natürli hän si mi nit loh usrede und bim 3. Mol ha ich denn sehr bestimmt aber sehr ruhig (i bi selber überrascht gsi, dass i das no ha chönne, innerlich ha ich kocht) gseit, sie sölle mich jetzt loh usrede, mir zu z'lose! Mehrere grossi Auge hän mi agluegt und siehe da es isch doch für ä Moment Rueh gsi. Sie hän denn gmerkt, dass ich ziemli sauer bi und hän denn plötzlich umgschwenkt, will sie gmerkt hän, sie chönne mi nit überzüge vo ihrer Version.
Wo denn dr Fabrizio hei cho isch (dä arm, er het müesse die ganzi Gschicht alose, i bi so glade gsi) hän mir z'Nacht gesse und mir hän denn wieder über das Ganze chönne lache.
Dr Vorteil do isch, dass ich immer cha säge, ich muesse z'erscht mit em Ma rede und er entscheidi. Das wird do immer glaubt und denn isch plötzlich die ganzi Diskussion fertig und sie gön! Isch öfters sehr praktisch, ich cha euch das säge! :-)!
Ah jo, d'Lösig wo sie mir geh hän isch effektiv, dass meh muess es Kabel ufputz durch die ganz Wohnig verlege, damit mir ä 2. Empfänger im Wohnzimmer chöne ha.... Do säg i nume: "Mir wei luege!" ;-)!
So, jetzt no ä chli Info's zu eusem Usflug am Wucheend. Do mir wieder ä ziemli lebhafti Wuche gha hän, hän mir entschiede am Fritig es ziemli langsam azgoh und denn irgendwenn ä mol Richtig Karak z'fahre. Kurz vor Mittag sin mir denn au losgfahre und nach öbere ä viertel Stund hän mir denn gmerkt, dass es doch fascht 200 km sin und das ä chli wiit isch für ä Usflug, wo meh erscht am Mittag afoht. Churzerhand hän mir denn euses Auto wieder kehrt und hän gseit, dass mir nach Iraq Al-Amir fahre (isch nur öbe 20 Min. vo Amman). Nachdem dass mir denn 15 Minute dr richtig Weg zrugg gsuecht hän (irgendeinisch hän mir denn ä mol Fahrerwechsel gmacht, do ich nit wirkli geignet bi z'Charte lese) sin mir denn aber gli uf em richtige weg gsi. Es isch scho luschtig, do luegsch uf dr Charte wo de muesch ane fahre und denn wenn de durefahrsch, merksch ahhh das isch do, aaaahhh wenn i das gwüsst hät, denn wäre mr schneller gsi...! I hoff, dass wenn dr 1. Bsuech chunnt i das au ä bitz besser im Griff ha, ;-)! Sünscht B.F. und N.H. viel Spass bim Weg sueche mit mir! :-)!
Nach ere wunderschöne Fahrt durch d'Natur und emene grössere Höheunterschied, sin mir denn in Irag Al-Amir (Arabisch: عراق الأمير) acho.
D'Bilder wo dir im Blog vom Fabrizio gsehn, sin vo dört. I hät vor einiger Ziit jo nie dänkt, dass ich die Temperature, wo ich im Minus Bereich in Kanada letscht Joor erlebt ha, jemols im Plus-Bereich wird erlebe, sogar no meh! Wo mir zum Auto zrugg cho sin, het's 57 Grad azeigt! I bi total groggy gsi! In dr nöchi vo dr Ruine hets no oberhalb vo dr Stroos (me muess es paar Treppe ufe laufe) Höllene zum aluege. Sie hän vo unde richtig guet usgseh, wie ihr euch sicher chönnet vorstelle, isch dr Fabrizio ällei dört ufe, i ha schön im chüehle Auti gwartet und denn d'Föteli agluet! I wär kaputt gange, i bi denn froh gsi, wo mir wieder dähei gsi sin und ich ha chönne ä Duschi neh und d'Klima aloh! :-)! Aber trotzallem, es het sich glohnt, es isch ä sehr ä schöni Gegend und wenn me so Ruine gern het, lohnt sich ä Usflug dört hi absolut.
Wie öfters do hän mir denn am Obe no dr Grill agschmisse und so feini Lammkottlet brötlet! MMMMH wenn i nur scho drvo schrieb, lauft mir wieder s'Wasser im Muul! Je länger je meh, bin i froh, dass mir eusi Grill kauft hän, do wird er no meh brucht als dähei und er machts sich sehr guet uf em "Brötel-Balkon".
So, das wärs wieder ä mol! Im mim nexschte Blog wird ich denn ä mol ä chli schriebe, was so dr Alltag isch, wies usgseht und was es do so typischs het. Aber nit lium, sondern bukra, ;-)!
Gebet Sorg, hebets Guet und bis gli!
I weiss gar nit wo ich söll afoh! Es isch in de letschte Täg wieder so viel glofe.... also am Beschte ich fang mit dr Gschicht vo eusem Satelitte-TV ah!
In dr 1. Wuche do in dr neue Wohnig isch ä Kolleg vom Vermieter verbi cho und si hän mir gseit, dass mit em Satellit die Dütsche Sender z'erreiche sind. Ich ha dänkt super, das mache mir. Guet, het au alles tip top klappt, dä het 2 Satelitteempfänger brocht und sie au installiert. Im Schlofzimmer het er leider es churzes Kabel gha und hets quer dure Ruum gleit. I ha denn es langs verlangt damit mis an dr Wand noch cha zieh. Er het gantwortet: "Madame, no problem bukra!" Wie erwähnt das isch in dr 1. Wuche gsi, unterdesse sin es paar Wuche vergange und i ha dä Herr nüm gseh. I has au es paar Mol im Vermieter gseit, au do d'Antwort: "bukra, bukra"! Also, do ä mol die wortwörtlichi Übersetzig: bukra = morgen. Was mir unterdesse hoffe, wenns bukra heisst: "in de nexschte Täg"! Do jetzt die Übersetzig wo's wirkli heisst: "wenn du mir nit alütisch und stürmsch, chum i nüm!" Guet, i ha ihm vorgeschter denn aglüte und er het wieder gmeint: "Madame, bukra!" Mi Antwort isch denn gsi: "la la burka, lium habibi!" (nei nit morn, hüt mi Liebe!) Habibi (meine Liebe, mein Lieber) bruche sie do für jede und alles, sogar wenn sie sich denn nachher aschreie. Öb dirs glaubet oder nit er isch effektiv am Sunntig cho, het es längers Kabel verleit (aso, i wird denn s'Kabel no schön an dr Wand amache, damits nit so in Wellä do liet, aber wenigschtens stolpere ich z'Nacht nüm drüber, ;-)!). Denn ha ich ihn grad gfrogt, öb er im Wohnzimmer chönnti dr zweiti Empfänger installiere. Nach es paar Minute ha nis Gfühl gha er verstoht mi nit wirkli und ha im Fabrizio ins Gschäft aglüte, damit er öber cha ans Telefon hole wo Arabisch schwätzt (das möche mir immer so, wenn i nüm witer chum). Do sini Version: "Madame (das bin ich) will, dass er es 2. Kabel vo dr Satelitteschüssle usse an dr Fasade zum Stecker in dr Innenwand montiert." Mini Version: "Ich will nit, dass er vom Stecker bim Cheminée quer durch d'Wohnig zum Wohnzimmer ä Kabel verleit." Soviel zur Kommunikation zwische uns! :-)! Uf Arabisch het me veribart, dass es 2. Kabel unter de Platte zum Fernseh im Wohnzimmer verleit wird. Natürli nit lium (hüt) sondern bukra (morn). Er het no gseit, dass er mich am Morge alütet und mir seit wenn er chunnt. Am nexschte Tag am eis am Nommitag ha ich ihm denn aglüte und ha schinheilig gfrogt wenn er chunnt. Er chöme am zwei - tip top! Am zwei isch denn dr Vermieter mit em Elektriker cho (wo scho ä mol vergebens cho isch, will i nit dähei gsi bi, wohlverstande au diesmol ha ich nit gwüsst dass si chöme) und het all die Sache no gfixt wo offe gsi sin. Am 20zig ab 2 het dr Vermieter denn im Satelittetyp aglüte, will er z'spot sig (dr Vermieter het 30 Joor in Dütschland gwohnt), er müesse sich jo schäme! Genau in dem Moment hets au scho glütte an dr Tür. Somit het's afgange! I ha dr ganz Nommitag bis am halb 7ni do drmit verbrocht, z'warte dass sie das Kabel neu verlege! Nach öbe 2 Stund hän si mir gseit, dass es nit goht und irgendöbis no erklärt, i has nit verstande, also ha ich ihm Fabrizio aglüte. I ha denn zobe erfahre, dass sie ihne gseit hän, sie sölles loh si, mir löhns halt ä so! Was sich do vor Ort abgspielt het isch, dass sie plötzlich ganz gschäftig diskutiert händ, neui Steckdose ufgmacht hän und nach Vaseline gfrogt hän.... (i ha kei Vaseline gha, ha ihne aber denn halt Tigerbalsam geh). Denn isch es witer gange, wieder 5 Lüt in dr Wohnig, eine het öbis gmacht und alli hän ufen ihne gschwätz. Am 5i hän si denn die Lösig gha, sie muesse d'Klima an dr Wand abmontiere, dört chieme si use und chönne so s'Kabel zmitz an dr Wand abe zieh.... Ich ha denn ihne zeigt, wo ich das Kabel will, schön verleiht inere Kante und bitte jo in wiiss und nit in schwarz! Ä gueti Stund spöter isch au das nit gange und denn het Diskussion agfange! Ich ha denn gli ä mol gmerkt, dass sie d'Schuld uf öber anders schiebe und ha denn ziemli klar kommunziert, dass das nit so sigi und ihne gseit, dass es so nit goht. Natürli hän si mi nit loh usrede und bim 3. Mol ha ich denn sehr bestimmt aber sehr ruhig (i bi selber überrascht gsi, dass i das no ha chönne, innerlich ha ich kocht) gseit, sie sölle mich jetzt loh usrede, mir zu z'lose! Mehrere grossi Auge hän mi agluegt und siehe da es isch doch für ä Moment Rueh gsi. Sie hän denn gmerkt, dass ich ziemli sauer bi und hän denn plötzlich umgschwenkt, will sie gmerkt hän, sie chönne mi nit überzüge vo ihrer Version.
Wo denn dr Fabrizio hei cho isch (dä arm, er het müesse die ganzi Gschicht alose, i bi so glade gsi) hän mir z'Nacht gesse und mir hän denn wieder über das Ganze chönne lache.
Dr Vorteil do isch, dass ich immer cha säge, ich muesse z'erscht mit em Ma rede und er entscheidi. Das wird do immer glaubt und denn isch plötzlich die ganzi Diskussion fertig und sie gön! Isch öfters sehr praktisch, ich cha euch das säge! :-)!
Ah jo, d'Lösig wo sie mir geh hän isch effektiv, dass meh muess es Kabel ufputz durch die ganz Wohnig verlege, damit mir ä 2. Empfänger im Wohnzimmer chöne ha.... Do säg i nume: "Mir wei luege!" ;-)!
So, jetzt no ä chli Info's zu eusem Usflug am Wucheend. Do mir wieder ä ziemli lebhafti Wuche gha hän, hän mir entschiede am Fritig es ziemli langsam azgoh und denn irgendwenn ä mol Richtig Karak z'fahre. Kurz vor Mittag sin mir denn au losgfahre und nach öbere ä viertel Stund hän mir denn gmerkt, dass es doch fascht 200 km sin und das ä chli wiit isch für ä Usflug, wo meh erscht am Mittag afoht. Churzerhand hän mir denn euses Auto wieder kehrt und hän gseit, dass mir nach Iraq Al-Amir fahre (isch nur öbe 20 Min. vo Amman). Nachdem dass mir denn 15 Minute dr richtig Weg zrugg gsuecht hän (irgendeinisch hän mir denn ä mol Fahrerwechsel gmacht, do ich nit wirkli geignet bi z'Charte lese) sin mir denn aber gli uf em richtige weg gsi. Es isch scho luschtig, do luegsch uf dr Charte wo de muesch ane fahre und denn wenn de durefahrsch, merksch ahhh das isch do, aaaahhh wenn i das gwüsst hät, denn wäre mr schneller gsi...! I hoff, dass wenn dr 1. Bsuech chunnt i das au ä bitz besser im Griff ha, ;-)! Sünscht B.F. und N.H. viel Spass bim Weg sueche mit mir! :-)!
Nach ere wunderschöne Fahrt durch d'Natur und emene grössere Höheunterschied, sin mir denn in Irag Al-Amir (Arabisch: عراق الأمير) acho.
D'Bilder wo dir im Blog vom Fabrizio gsehn, sin vo dört. I hät vor einiger Ziit jo nie dänkt, dass ich die Temperature, wo ich im Minus Bereich in Kanada letscht Joor erlebt ha, jemols im Plus-Bereich wird erlebe, sogar no meh! Wo mir zum Auto zrugg cho sin, het's 57 Grad azeigt! I bi total groggy gsi! In dr nöchi vo dr Ruine hets no oberhalb vo dr Stroos (me muess es paar Treppe ufe laufe) Höllene zum aluege. Sie hän vo unde richtig guet usgseh, wie ihr euch sicher chönnet vorstelle, isch dr Fabrizio ällei dört ufe, i ha schön im chüehle Auti gwartet und denn d'Föteli agluet! I wär kaputt gange, i bi denn froh gsi, wo mir wieder dähei gsi sin und ich ha chönne ä Duschi neh und d'Klima aloh! :-)! Aber trotzallem, es het sich glohnt, es isch ä sehr ä schöni Gegend und wenn me so Ruine gern het, lohnt sich ä Usflug dört hi absolut.
Wie öfters do hän mir denn am Obe no dr Grill agschmisse und so feini Lammkottlet brötlet! MMMMH wenn i nur scho drvo schrieb, lauft mir wieder s'Wasser im Muul! Je länger je meh, bin i froh, dass mir eusi Grill kauft hän, do wird er no meh brucht als dähei und er machts sich sehr guet uf em "Brötel-Balkon".
So, das wärs wieder ä mol! Im mim nexschte Blog wird ich denn ä mol ä chli schriebe, was so dr Alltag isch, wies usgseht und was es do so typischs het. Aber nit lium, sondern bukra, ;-)!
Gebet Sorg, hebets Guet und bis gli!
Keine Kommentare:
Kommentar veröffentlichen