Hüt am halb drei ha ni ä Telefon vom Vermieter becho und er het mi gfrogt wo ich sigi. Er sigi uf em Weg zu mir und wellä cho Steckdose neu montiere wo gescht nit richtig gmacht worde si und nomol probiere, öb s’kabel doch nit duregich..... ;-)! I bi grad mit em Fabrizio am esse gsi und ha ihm gseit, dass inere Stund dähei bi. Als gueti Mieterin bin ich denn jo au vorher dört gsi, vo ihm aber kei Spur. Ich ha ihm denn grad aglütte und gfrogt wo er sigi. Er het mi Message verstande, ;-)! Ha ihm denn au gseit, dass ich extra wege ihm frühner hei cho sig! Er het nume gnickt! ;-)!
Nachdem dass sie d’Steckdose montiert hän, hets ganze wieder vo vorne agfange, si sin am Bode ghockt und hän an irgendwelche kabel umegrisse..... Nach 15 Min. hets gheisse es sigi jetzt doch möglich!?!?!?!? Zwischedure ha ich au immer wieder ä Blick uf d’Arbete und Arbeiter gno – me weiss jo ni! Aber zum Glück isch au dr Ibrahim (die guti Seel vom Vermieter) drbi, er luegt immer was sie so mache und er isch au dä wo denn am Schluss ufrumt und alles putzt. Bi ganz überrascht gsi – i dänk das isch dr Ifluss vom Vermieter wo 30 Joor in DE glebt het, ;-)! Sie hän vo eim Ruum in andere grufe und rabarber rabarber! Bald isch aber scho dr 1. Schritt gmacht gsi, es het recht vielversprechend usgseh! Ä witeri halb Stund spöter isch denn au scho die 1. Steckdose wieder gschlosse worde und bereits an dere Steckdose, wo das Kabel anemuess, witergschafft worde. I ha mine Auge nit traut. Bald hets denn au ä 2. Aschluss für s’Satelittekabel gha... es Wunder......!!!!! ;-)! Am Afang isch aber Signal z’schwach gsi, aber au das het die gueti Seel no anebrocht! Und do drmit hän mir vo hüt ah, 2 Aschlüss im Wohnzimmer!
Ich ha euch go gschriebe, dass ich euch ä mol will schriebe, wie’s ä so isch do in Jordanie und wie mi Tagesablauf usgseht – dank de Handwerker wo hüt nomol cho sin – ha ni au Ziit gha dä scho z’schriebe! Gsehn dir, au das het ä Vorteil wenn d’Handwerker 2 Täg im Huus sin... ;-)!
Keine Kommentare:
Kommentar veröffentlichen