Tjä dä Titel passt für 2 Sache wo passiert sind! Wieder ä mol sin Gäscht abgreist und wie jedesmol isch es überus müehsam.....! Wääähhhh!! ;-)!
Geschter am morge sind mi Tante und mi Cousine abgreist. Sie sind fascht 2 Wuche bi eus gsi und hän ä so doch ziemli viel vo Jordanie gseh. Sie sind es paar Täg ällei unterwegs gsi und mir hän es paar Usflüg au zäme gmacht! Aber wie immer Ziit goht viel z'schnell ume. Hoff euch hets au so gfalle wie eus und dir heit euch guet erholt bi eus ;-)! Danke nomol und ä guete Start trotz lange Hose dähei ;-)!
Wieder ä mol hän mir Wasser am Bode verteilt gha und mir hän ca. ä Stund Wasser in Abfluss gwüscht (zum Glück gits die Löcher an gwüsse Stelle im Bode....). Wieder ä mol isch dr Schluuch vo dr Wäschmaschine kaputt gange und s'Wasser het so schön plätscheret.....! Tjä, das isch sicher öbis wo ich ganz bestimmt nit wird vermisse!!!!
Sit es paar Täg hei mir doch ziemli Wulche am Himmel und d'Temperature stiege "nur" no uf so 26 - 28 Grad! Dr Fab het scho Krise was für s... Wetter das isch do! ich hingege finds nit so schlimm, es isch immerno warm dure Tag. S'einzig wo halt fehlt isch, dass meh zobe cha no chli dusse sitze und dass meh nit wirklich s'Verlange het in Pool z'gumpe. Es söll die ganz Wuche so bliebe....! Jo mi allerliebschte Bruder ich weiss! ;-)! Es wird sicher besser ab Donnschtig - inshall'ah!
Jupie, ich freu mi riesig, Endi Wuche chunnt mis Brüderli mit dr N.H. uf Bsuech. Wer fliessig euse Blog liest - jep, sie chömme nomol!
So, muess jetzt langsam fertig mache, d'Putzfrau isch langsam au fertig und ich wet no es paar Sache erledige. Wünsch allne ä gueti Ziit und viellicht ghört me sich jo ä mol! Gebet Sorg wo immer dir au sit! Hudun iktiir (kram oder big hug wie meh au seit)!
Keine Kommentare:
Kommentar veröffentlichen